ကကူရံ

ကကူရံငါး- ကကုရံသည် ပင်လယ်ငါးမျိုး ဖြစ်၍ ရခိုင်ပြည်ဖက်တွင် ငလက်ခွာဟု၎င်း၊ ထားဝယ်ဖက်၌ ငကွဲယင်ဟု၎င်း တွင်သည်။ နိုင်ငံခြားတွင်မူ အိန္ဒိယဆာမန်ဟု ခေါ်လေ့ရှိကြသည်။ ပါဏဗေဒ အလိုအရ ကကုရံသည် ငပုဏ္ဏားနှင့် အတူ “ပေါ်လီနီမီဒို” မျိုးရင်းတွင် ပါဝင်၍ ဤငါးနှစ်မျိုးလုံးပင် မြန်မာနိုင်ငံ၌ လူကြိုက်များသဖြင့် အရောင်းက တွင်ကျယ်လေသည်။ ကုကုရံသည် ခြောက်ပေ ကျောက်ကျောက်အထိ ရှည်နိုင်သည်။ နှာယောင်ပွ၍ ဝိုင်းသည်။ မျက်လုံးကြီးသည်။ ပါးစပ်ကြီး၍ ပါးစပ်နက်သည်။ ကျောဆူးတောင် နှစ်ခါပါ၍ ထင်ရှားပေါ်လွင်သည်။ အမြီးခွနက်သည်။ အနားကြမ်းမျိုးဖြစ်သည့် အကြေးများမှာ သေးငယ်၍ ထောင်လိုက်ပေါက်သော ဆူးတောင်ဖျားမှာ အစိမ်းနှင့် ရောစပ်ထားသော အရောင်မျိုးဖြစ်၍ ကိုယ်နံဘေးနှင့် ဝမ်းပိုက်ပိုင်းတွင် ဖြူဝါရောင်သို့ ပြောင်းသွားသည်။ ကျောနှင့် အမြီးဆူးတောင်ထိပ်ဖျားတို့မှာ မည်း၍ သေးငယ်သော အမည်းပြောက်ကလေးများပါသည်။ ဝမ်းနှင့် စအိုဆူးတောင်တို့၏ အနားတစ်လျှောက်မှာ အဝါနုရောင် သန်းနေ၏။ ပါးဟက်ဖုံးပေါ်တွင် အမည်းကွက် တခုစီပါရှိသည်။ ကကုရံကို အဆိပ်အတောက်ကင်းသည်ဆိုကာ လူဖျားလူနာများ စားသုံးနိုင်သော ငါးမျိုးစားရင်းတွင် ထည့်သွင်းထားသည်။ ကကုရံကို မြန်မာနိုင်ငံပင်လယ်မှာ အမြောက်အမြား ဖမ်းဆီးရမိလေ့ရှိသည့်အတိုင်း၊ လတ်လတ် ရောင်းချရန်ထက် ပိုလျှံနေသော ငါးများကို ငါးပုပ်ခြောက်များ ငါးခြောက်များ ပြုလုပ်၍ စားသောက်လေ့ရှိကြသည်။

မြန်မာ့စွယ်စုံကျမ်း

ကကုသန်ဘုရား

ကကုသန်ဘုရား- ဘုရားငါးဆူပွင့်ရာ ဤဘဒ္ဒကမ္ဘာအတွင်း ပွင့်တော်မူခဲ့ပြီး ဘုရားလေးဆူအနက် ပထမဆုံးပွင့်တော်မူသော ဘုရားရှင်ဖြစ်သည်။ ခေမံပြည်မှာ အဂ္ဂိဒတ္ထပုဏ္ဏားနှင့် ဝိသာခါပုဏ္ဏေးမတို့၏ သားဖြစ်၏။ အရွယ်ရောက်သော သင့်မြတ်သော သတို့သမီးနှင့် လက်ထက်ထိမ်းမြား၏။ သားတော်ဥတ္တရကို ဖွားမြင်ပြီးနောက် လောကီစည်းစိမ်ကို စွန့်ပယ်ကာ တော်ထွက်တော်မူသည်။ ရှစ်လကြာမျှ ဒုက္ကရစရိယာ ကျင့်တော်မူပြီးနောက် ကုက္ကိုဗောဒိပင်ရင်းပင် သပ္ဗညုတဉာဏ်တော်တော်ကို ရ၍ ဘုရားဖြစ်တော်မူသည်။ ထိုမြတ်စွာဘုရား၏ အဂ္ဂသာဝက တပည့်နှစ်ပါးကား ရှင်ဝိူရနှင့် ရှင်သိဉ္စီဝတို့ဖြစ်သည်။ အလုပ်အကျွေး (တပည့်ကား) ရှင်ဗုဒ္ဓိဇောဖြစ်သည်။ ထိုမြတ်စွာဘုရား၏ ဉာဏ်တော်အမြင့်သည် အတော်လေးဆယ်ဖြစ်သည်။ သက်တော် အနှစ်သုံးသောင်း နှစ်ထောင်တွင် ခေမာရုံ၌ ပရိနိဗ္ဗာန်ပြုတော်မူရာ၊ ကြွင်းသောဓာတ်တော်အစုကို ဌာပနာ၍ တဂါဝုတ်မြင့်သော စေတီတော်ကို တည်ထားကိုးကွယ်ကြသည်။ ထိုအခါ လူတို့၏ သက်တမ်းမှာ ၄ သောင်းဖြစ်၏။

ကကတစ်

ကကတစ်ငါး- ကကတစ်သည် မြန်မာနိုင်ငံ ကမ်းရိုးတမ်းတလျှောက်္ပ တွေ့ရသော အရေးကြီးသည့် စားငါး တမျိုးဖြစ်၍ လူသိများသည်။ ဤငါးသည် ပါဏဗေဒ အလိုအရ ငတောက်တူ၊ ကသမြင်း၊ ငစင်စပ် စသည်တို့နှင့်အတူ ‘ပါစီဒို’ အမျိုးရင်းတွင် ပါဝင်သည်။ ကကတစ်၏ ကိုယ်သည် ပြား၍ အနည်းငယ် ရှည်လျားသည်။ နှာတံတို၍ အောက်မေးရှေ့သို့ ငေါထွက်နေသည်။ ခေါင်း၏ဘေး တဖက်တချက်တွင် ကြီးမားသော မျက်လုံးနှစ်လုံးရှိသည်။ ကျောဆူးတောင်နှစ်ခုပါ၍ ရှေ့ဆူးတောင်တွင် မာကျောသော ဆူးရိုးများ ပါရှိသည်။ အမြီးမှာ ထိပ်ဝိုင်းမျိုးဖြစ်၏။ အကြေးများမှာ မကြီးမငယ်ဖြစ်၍ အနားကြမ်းအကြေးမျိုး ဖြစ်သည်။ ဤငါး၏ အရောင်မှာ ပွဲပြာရောဖြစ်၍၊ ကျောပိုင်းတွင် အစိမ်းရောင် ယမ်းပိုက်တစ်လျှောက်တွင် အဖြူရောင်သန်းနေသည်။ ကကတစ်သည် သာမန်အားဖြင့် တပေခွဲသာ ရှိသော်လည်း၊ တခါတရံ အရှည် ၅ အလေးချိန် ၅၅ ပိဿာခန့်အထိ ရှိနိုင်သည်။ ဤငါး၏ စားဖောင်းများမှ အတော်အသင့် ကောင်းမွန်သော ငါးစည်ဖောင်းကော်ကို ပြုလုပ်ရရှိနိုင်သည်ဟု သိရသည်။

မြန်မာ့စွယ်စုံကျမ်း